روستاي تركمان
همدان -ملایر - جوکار - روستای ترکمان 
قالب وبلاگ
نويسندگان
لینک دوستان


قلبیم غمیله دولسا ابوالفضله آغلارام

گوللر چمنده سولسا ابوالفضله آغلارام

یاد ایلرم اوساعتی کی دوشدی قوللاری

عومروم مین ایلده اولسا ابوالفضله آغلارام

اولدوم ازلدن عشقینه دل بسته یا حسین

هجران غمیله روحیم اولوب خسته یا حسین

ال آچمیشام سواله قاپیندا گدا کیمین

شیش گوشه قبرینه منی سن ایسته یا حسین

کج یوللارا کیم تابع اسلام اولا گتمز

وجدانی اولان شخصه هر اقدام اولا گتمز

 

هر کیم دوشونوب فلسفه قتل حسینی

ظلم و ستمون تحتینه اعدام اولا گتمز

هر دردمند رسمدور ایستر دوا یئری

 

غمگین اولان همیشه گزر غمفزا یئری

 

بو افتخاری ایله نصیب ای خدا منه

مدفن منه اولنده اولا کربلا یئری

مشتاقوام سعادت اولا بیر جواز آلام

 

زوار اولام مزاریوه من امتیاز آلام

 

آب فراتون آخدوقجان موجونا باخام

اول ائدیب گیلایه صونرا دستماز آلام

هر کیمسه حسین عشقینه دل باغلاسا خوشدور

 

قلبین شرر محنتیله داغلاسا خوشدور

اوزده گئدیب آغلاماقین ارزیشی یوخدور

منظور شه دینی بیلیب آغلاسا خوشدور

سینه سینه سؤزوم جوشه گلدی

یادیما قبر شیش گوشه گلدی

ای اورک قان اولوب گؤز یاشی توک

فاطیمه ناله سی گوشه گلدی

کرب و بلا، آئین ده اوّل آیه اولدى

نطق حسین، قرآنونان، همپایه اولدى

بیر شور و غوغا خلقته سالدى بو نهضت

روز قیامتده، قیامت سایه اولدى

آللاه چوخون خلق ائیلییب ، چوخ گول سئچیب دیر

آمما محصول خلقی روز عاشورا بیچیب دیر

کربلا دشتینده طوفان دیر بوگون

زینبین حالی پریشان دیر بوگون

یا حسین و یا ابوالفضل کلمه سی

بوتون دیللرده غلطان دیر بوگون

تؤکۆلۆب توْپراغا باشسێز شهــداء

کـربـلا دشتـی اوْلـۇب کوه-ی-مئنا

مـوج ایـده‌ر قانیلـه دریـای-ی-بــلا

نئجه قان آغلاماسۇن داش بۇ گۆن

بۇ همان گۆندی باتۇب یاسه جاهان

بوْیانۇب قانه سۇسۇز پیر-وْ-جاوان

انبیالر باش آچۇب آغلۇرێ قان

نئجه قان آغلاماسۇن داش بۇ گۆن

بۇ همان گۆندی سوْلۇب دین چمه‌نی

سارالۇب سرو-وْ-گۆل-وْ-یـاسـه‌مه‌نـی

قطعـه-قطعــه اوْلـۇب اکبـــر بـــده‌نــی

نئجـه قـان آغلامـاسـۇن داش بــۇ گـۆن

توْی تۇتۇب قاسمه شاهنشه-ی-دین

ائتدیله‌ر بزم-ی-عزا حیجله‌گهین

یاخدێ قانیله حنا تازه گلین

نئجه قان آغلاماسۇن داش بۇ گۆن

«حرمله» آلدێ اله تیر-وْ-کمان

اصغرین حلقین ایدۇب تیره نیشان

ایچدیرۇب سۇ یئرینه قێرمێزێ قان

نئجه قان آغلاماسۇن داش بۇ گۆن

کسدی اشرار-ی-دنی سۇ یوْلۇنێ

تئشنه سقّانون آلۇب ساغ سوْلۇنێ

هم ساغێن سالدێلار هم سوْل قوْلۇنێ

نئجه قان آغلاماسۇن داش بۇ گۆن

سالدێ دونیایه شرر شیمری دَنی

کسدی عطشان سری شاهی زَمَنی

قالدێ باشسێز قۇرو یئرده بده‌نی

نئجه قان آغلاماسۇن داش بۇ گۆن

[ ٥ آذر ۱۳٩٠ ] [ ۱۱:٤٧ ‎ب.ظ ] [ ترکمان ]
.: Weblog Themes By Iran Skin :.

درباره وبلاگ

روستای ترکمان (منگاوی سابق ) از توابع دهستان ترک غربی جوکار شهرستان ملایر واقع در استان همدان می باشد این وبلاگ جهت معرفی روستا و آداب و رسوم آن در دهه فجر سال 1385 راه اندازی شده است .
صفحات اختصاصی
RSS Feed

FREE UPLOAD CENTER
FREE UPLOAD CENTER
FREE UPLOAD CENTER
Google

در اين وبلاگ
در كل اينترنت

☆TURK music☆

Habibiyan


FREE UPLOAD CENTER